Poet
hone ko to ḳhilqat men tiri honge jahan aur
par tera ye dar chhoḌ ke ja.un main kahan aur
ye dair se bad-zan vo gurezan hai haram se
jaise ki haqiqat ho yahan aur vahan aur
rah jaa.e na phir shikva-e-bedad ka imkan
siina jo hua chaak to kaT jaa.e ziyan aur
ham kaun hain kya hain ye nahin jante ḳhud bhi
ham sa bhi koi hoga bhala hech-madan aur
taqlid tabi.at ko gavara nahin ai ‘nur’
chalta huun banata hua ḳhud apne nishan aur
Leave a Reply