Sultan Akhtar
har-chand apne aks ka dil dardmand ho
a.ine ke labon pe agar zahr-e-ḳhand ho
be-mehr aftab ka darvaza band ho
andhi zara thame to ghaTa sar-buland ho
har lamha us ki mad.h-sara.i na kijiye
mumkin hai aisi baat use na-pasand ho
har gaam hauslon ka yahi mudda.a raha
gumrah zindagi ki masafat do-chand ho
‘aḳhtar’ main iḳhtilaf ka qaa.il nahin magar
ahbab ka mizaj hi jab shar-pasand ho
Leave a Reply