Poet
us ki zulfen jis ne chheḌin vo saba thi main na tha
mera kya maqdur ye us ki ḳhata thi main na tha
mujh se bole kal nashe men ḳhuub hunkaren hain aap
ye na samjhe aur hi vo be-haya thi main na tha
mera kya maqdur jo main dar tak aata aap ke
vo raqibon ki aji avaz-e-pa thi main na tha
puchha jab mansur se tum ne anal-haq kyuun kaha
ye kaha us ne ki vo shan-e-ḳhuda thi main na tha
main ne kya ifsha kiya raaz un ka soch ai ham-nashin
ba.is-e-ifsha-e-raz un ki haya thi main na tha
‘aish’ sab adna se a.ala tak vahan hazir the kal
bazm men ek us ki ḳhali meri ja thi main na tha
Leave a Reply