Shahnawaz Ansari
haq-bayani ke charaghon ko jala kar aa gaya
us ke dil ko raushni ka ghar bana kar aa gaya
ek divana jise pyasa samajhte the sabhi
vo jhulasti ret pe dariya baha kar aa gaya
tha sakun darkar mujh ko ḳhamushi ke shahar men
is liye avaz miTTi men daba kar aa gaya
shart thi gharqab hona haan magar teri raza
phir samundar par koi rasta bana kar aa gaya
ek jugnu raqs karta tha fasil-e-hijr par
aur main pagal charaghon ko jala kar aa gaya
Leave a Reply