Khalid Jamal
bala ki pyaas thi hadd-e-nazar men paani tha
ki aaj ḳhvab men sahra tha ghar men paani tha
phir is ke ba.ad miri raat be-misal hui
udhar vo sho.ala-badan tha idhar men paani tha
na jaane ḳhaak ke mizhgan pe abshar tha kya
mira qusur tha mere sharar men paani tha
tamam umr ye uqda na va hua mujh par
ki haath men tha ya chashm-e-ḳhizar men paani tha
ajiib dasht-e-tamanna se tha guzar ‘ḳhalid’
badan men reg-e-ravan thi safar men paani tha
Leave a Reply