Navin Joshi
haqiqat men koi kahani mila do
bahut aag hai thoḌa paani mila do
yahi da.imi mashghala hai hamara
na.i chiiz le lo purani mila do
mohabbat faqat lafz tha ek ḳhali
ye kis ne kaha tha ma.ani mila do
mujhe niind se koi ranjish nahin hai
agar ḳhvab kuchh asmani mila do
sitamgar ki taqat isi se baḌhegi
tahammul men tum be-zabani mila do
na jaane ḳhuda ko ye sujhi kahan se
azal-ruh men jism-e-fani mila do
chalo doston ko ham aaj azma.e
‘nava’ baat men haq-bayani mila do
Leave a Reply