Aks Samastipuri
gham uThane ka hausla bhi nahin
aur is ke bina maza bhi nahin
saath tera azaab hai mujh ko
chahiye koi dusra bhi nahin
tum bhala kyon udaas rahne lage
tum ko to yaar ishq tha bhi nahin
ishq ki raah se guzarna paḌa
aur tha koi rasta bhi nahin
un ko dar-asl duur jaana tha
mas.ala itna tha baḌa bhi nahin
ḳhud samajh lo mire liye kya the
aaj se tum ko bad-dua bhi nahin
Leave a Reply