Gurbir Chhaebrra
vo jis ka naam is dil par likhaya hai
usi se raaz main ne ye chhupaya hai
bahut maghrur hai vo maana ye lekin
ḳhuda us ko hi main ne bhi banaya hai
yaqin hai ḳhat aa ja.ega kabhi us ka
yuun apna hausla main ne baḌhaya hai
samajhta hai mohabbat ko jo be-ma.ani
usi ka ḳhvab is dil men sajaya hai
vafa iqrar ulfat dosti sach hain
nagar men jhuTh ye kis ne uḌaya hai
ḳhuda hairan hai insan par ab kyon
jagah par us ki daulat ko biThaya hai
hai roki maut ‘qasid’ ke liye main ne
kahan ye vaqt us ne ab lagaya hai
Leave a Reply