dekha nahin dekhe hue manzar ke siva kuchh
hasil na hua sair-e-mukarrar ke siva kuchh
muddat se hai ma.amura-e-bazar-e-ghariban
ye shahr na tha jis men tire ghar ke siva kuchh
kis haal men us shoḳh se vabasta hua dil
saughat men dene ko nahin sar ke siva kuchh
vo ghurfa-nashini hai na hai shahr-navardi
baaqi na raha hijr men bistar ke siva kuchh
phulon se badan Dubte dekhe ga.e akasr
is bahr men tera nahin patthar ke siva kuchh
karte bhi talab kya kya yahan dasht-e-ata men
dene ko na tha jins-e-mayassar ke siva kuchh
Leave a Reply