Zafar Sahbai
ai ham-safar ye rah-bari ka guman chhoḌ
kis ne kaha hai tujh se qadam ke nishan chhoḌ
phir dekh zindagi ke maze tajrabon ke rang
bahar qadam nikal zara sa.eban chhoḌ
ab dosti nahin na sahi dushmani sahi
koi to rabte ki kaḌi darmiyan chhoḌ
us ki vafa.en sirf havaon ke saath hain
ye etimad-e-dosti-e-badban chhoḌ
talvar ki zaban samajhne lage hain log
ab ye mahatmaon ka tarz-e-bayan chhoḌ
jo tere sar-parast the kab ke chale ga.e
firqa-parasti tu bhi ye hindostan chhoḌ
baaqi jo bach rahe hain vo circus ke sher hain
murda hua ye dasht shikari machan chhoḌ
Leave a Reply