shakeel-badayuni

Haqiqat-E-Gham-E-Ulfat Chhupa Raha Hun Main

haqiqat-e-gham-e-ulfat chhupa raha huun main

shikasta-dil huun magar muskura raha huun main

kamal-e-hausla-e-dil dikha raha huun main

kisi se rasm-e-mohabbat badha raha huun main

badal diya hai mohabbat ne un ka tarz-e-amal

ab un men shan-e-takalluf si pa raha huun main

machal machal ke main kahta huun baithiye to sahi

sambhal sambhal ke vo kahte hain ja raha huun main

suni hui si bas ik dhun zarur hai lekin

ye khud khabar nahin kya gunguna raha huun main

More Poems

Leave a Comment