akhtar-azmi

Phenk Kar Sare Khwab Pani Mein

phenk kar saare ḳhvab paani men

dekhta huun sarab paani men

vasl ke baad yuun laga jaise

ho mira iztirab paani men

us ne phir phenk di baghair paḌhe

mere dil ki kitab paani men

koi is men mila gaya paani

phenk do ye sharab paani men

shaam ko le ke tere lab ki shafaq

aa gaya aftab paani men

be-qarari se bahr ki ‘aḳhtar’

aa gaya inqalab paani men

More Poems

Leave a Comment