abbas-tabish

Hansne Nahin Deta Kabhi Rone Nahin Deta

hansne nahin deta kabhi rone nahin deta

ye dil to koi kaam bhi hone nahin deta

tum maang rahe ho mire dil se miri khvahish

bachcha to kabhi apne khilaune nahin deta

main aap uthata huun shab-o-roz ki zillat

ye bojh kisi aur ko Dhone nahin deta

vo kaun hai us se to main vaqif bhi nahin huun

jo mujh ko kisi aur ka hone nahin deta

More Poems

Leave a Comment