akhtar-azad-1

Hans Hans Kar Aansu Pi Jaana Aap Ke Bas Ki Baat Nahin

hans hans kar aansu pi jaana aap ke bas ki baat nahin

apne ghar men aag lagana aap ke bas ki baat nahin

divanon ki ankhen bhi aine jaise hoti hain

divanon se aankh milana aap ke bas ki baat nahin

ab to maut uThae ham ko to shayad ham uTh jaaen

ham ko apne dar se uThana aap ke bas ki baat nahin

har ik gaam pe us ki gali men tanz ke patthar chalte hain

us ki gali men ana-jana aap ke bas ki baat nahin

yuun to ham ne aap ki ḳhatir hosh ganvae jog liya

lekin ab ham ko samjhana aap ke bas ki baat nahin

aap ki ye tanhai ik din mera naam pukaregi

uljhi hui zulfen suljhana aap ke bas ki baat nahin

More Poems

Leave a Comment