Shahid Jameel
haan hamen ‘mir’ ka divan nahin hona hai
aap se mil ke pareshan nahin hona hai
ham ki ḳhud apne liye apni ana se khelen
un ki tafrih ka saman nahin hona hai
ḳhairiyat chahne vaalo men tiri yaad ka zikr
bhari mahfil men bayaban nahin hona hai
laakh ummid khilati rahe ankhon men gulab
is samundar ko gulistan nahin hona hai
ḳhak-e-dil se hi uThe ab ke ghubar-e-mahtab
asman se koi elaan nahin hona hai
Leave a Reply