Yaadon Ke Darichon Ko Zara Khol Ke Dekho

yādoñ ke darīchoñ ko zarā khol ke dekho

ham log vahī haiñ ki nahīñ bol ke dekho

ham os ke qatre haiñ ki bikhre hue motī

dhokā nazar aa.e to hameñ rol ke dekho

kānoñ meñ paḌī der talak guuñj rahegī

ḳhāmosh chaTānoñ se kabhī bol ke dekho

zarre haiñ magar kam nahīñ pāoge kisī se

phir jāñch ke dekho hameñ phir tol ke dekho

suqrāt se insān abhī haiñ ki nahīñ ‘rām’

thoḌā sā kabhī jaam meñ vish ghol ke dekho

Leave a Comment