Hamein Sab Ahl-E-Hawas Na-Pasand Rakhte Hain

hamen sab ahl-e-havas na-pasand rakhte hain

ki ham nava-e-mohabbat buland rakhte hain

isi liye to khafa hain sitam-shiar ki ham

nigah-e-narm o dil-e-dardmand rakhte hain

agarche dil vahi rajat-pasand hai apna

magar zaban taraqqi-pasand rakhte hain

ham aise arsh-nashinon se vo darakht achchhe

jo andhiyon men bhi sar ko buland rakhte hain

chale ho dekhne ‘mushtaq’ jin ko pichhli raat

vo log shaam se darvaza band rakhte hain

Leave a Comment