hamen pata bhi nahin kis ki vo kahani thi
vo is qadar thi na.i ki bahut purani thi
kabhi jo dekh liya us ko dekhte hi rahe
vo apne aap men Thahri hui ravani thi
tumhari yaad ka rakkha hai canvas varna
hamare ḳhvab ne surat na.i banani thi
tumhare paas to qisse kahaniyan hain bahut
kabhi jo ham ne kahi bhi nahin sunani thi
ye rishte naate faqat bojh tha ki Dhone the
vafa bhi sochiye aise hi bas nibhani thi
vahin pe ḳhaak se milna tha ḳhaak hona tha
usi ke shahr men shohrat agar kamani thi
vo roz roz ka marna kamal tha lekin
ye zindagi to miri jaan azmani thi
Leave a Reply