Be-Jurm-O-Be-Gunah Gharib-Ul-Watan Kiya

be-jurm-o-be-gunāh ġharīb-ul-vatan kiyā

ham ko vatan se shaah ġharīb-ul-vatan kiyā

ġhurbat kī shaam ulfat-e-gesū meñ dekhiye

us dil ne ham ko aah ġharīb-ul-vatan kyā

us par na paḌtī aañkh na chhuTtā kabhī vatan

bas tū ne ai nigāh ġharīb-ul-vatan kiyā

dushman na yuuñ ho dost ne jis tarah se hameñ

bā-hālat-e-tabāh ġharīb-ul-vatan kiyā

ai ‘mehr’ ham ko charḳh ne gardish se roz-o-shab

mānind-e-mehr-o-māh ġharīb-ul-vatan kiyā

Leave a Comment