Poet
be-jurm-o-be-gunah gharib-ul-vatan kiya
ham ko vatan se shaah gharib-ul-vatan kiya
ghurbat ki shaam ulfat-e-gesu men dekhiye
us dil ne ham ko aah gharib-ul-vatan kya
us par na paḌti aankh na chhuTta kabhi vatan
bas tu ne ai nigah gharib-ul-vatan kiya
dushman na yuun ho dost ne jis tarah se hamen
ba-halat-e-tabah gharib-ul-vatan kiya
ai ‘mehr’ ham ko charḳh ne gardish se roz-o-shab
manind-e-mehr-o-mah gharib-ul-vatan kiya
Leave a Reply