mahtab-e-vajud paḌhte hain
aa kitab-e-vajud paḌhte hain
dhuup rangon men Dhaal dete hain
aftab-e-vajud paḌhte hain
teri ḳhushbu ko saans karte hain
phir gulab-e-vajud paḌhte hain
ik mahak jo badan jalati hai
us ka bab-e-vajud paḌhte hain
kitni bojhal guzarti hain shamen
tera ḳhvab-e-vajud paḌhte hain
teri hairani jaan len pahle
phir sarab-e-vajud paḌhte hain
koi andar ki baat karte hain
iztirab-e-vajud paḌhte hain
Leave a Reply