Farigh Bukhari
dil ke ghaao jab a.ankhon men aate hain
kitne hi zaḳhmon ke shahr basate hain
karb ki ha-ha-kar liye jismon men ham
jangal jangal sahra sahra jaate hain
do dariya bhi jab aapas men milte hain
donon apni apni pyaas bujhate hain
sochon ko lafzon ki saza dene vaale
sapnon ke sachche hone se ghabrate hain
dard ka zinda rahna pyaas ka mo.ajaza hai
divane hi ye ban-bas kamate hain
tariḳhon men guzre maazi ki surat
ahl-e-junun ke naqsh-e-pa mil jaate hain
dukh sukh bhi karta hai sar bhi phoḌta hai
divaron se farigh ke sau naate hain
Leave a Reply