Hamein dekhe Se Wo Jita Hai Aur Hum Us Pe Marte The

Poet

hamen dekhe se vo jiita hai aur ham us pe marte the

yahi raten thiin aur baten thiin vo din kya guzarte the

vo soz-e-dil se bhar laata tha ashk-e-surkh aankhon men

agar ham ji ki bechaini se ah-e-sard bharte the

kisi dhadke se rote the jo baham vasl ki shab ko

vo ham ko mana karta tha ham us ko mana karte the

mili rahti thiin anhken ghalba-e-ulfat se aapas men

na khauf us ko kisi ka tha na ham logon se darte the

so ab sad-haif us khurshid-ru ke hijr men ‘jurat’

yahi raten hain aur baten hain vo din kya guzarte the