Poet
ghunche chaTak ga.e chaman-e-rozgar ke
phuTe habab mauj-e-nasim-e-bahar ke
rizvan jo Tokega dar-e-fridaus par hamen
kah denge rahne vaale hain ham ku-e-yar ke
ankhen taras rahi hain miri teri zulf ko
taare chamak rahe hain shab-e-intizar ke
aghaz men bhi ham ko hai anjam ka ḳhayal
dhaḌke shabab men bhi hain roz-e-shumar ke
mazmun hain hiran miri bandish kamand hai
ai ‘qadr’ sha.iri men maze hain shikar ke
Leave a Reply