hamen chhod kidhar sidhare piyare
hain mushtaq diide tumhare piyare
in ankhon ko badam o nargis se nisbat
idhar tuk to dekho hamare piyare
ye sarv-e-sahi aur shamshad saare
tumhare qad uupar se vaare piyare
ye khuban-e-hindi-o-chin-o-chigil bhi
tasadduq gae tujh pe aare piyare
tujhe tuktuki bandh sab tak rahe hain
falak tak bhi bin aankh taare piyare
libas-e-zar-o-gul ki hajat nahin hai
tujhe ai khuda ke sanvare piyare
tiri nichi in chitvanon ke thagon ne
bidesi banav hi maare piyare
use saai dena aur is ko badhai
ye chhal-bal batao to baare piyare
pado putki aise tumhare gunon par
tumhen ham to samjha ke haare piyare
vo majlis ki majlis jami aan kar phir
hue ham hain akhir kinare pyare
hata tifl-e-dil ‘azfari’ ka tire dekh
vo badam o aam aur chhuhare pyare
Leave a Reply