Raat Hui Phir Humse Ek Nadani thoDi Si

raat huī phir ham se ik nādānī thoḌī sī

dil sarkash thā kar baiThā man-mānī thoḌī sī

thoḌī sī sarshārī ne dī gahrī dhund meñ raah

baham huī ā.ankhoñ ko tab āsānī thoḌī sī

bichhḌā vo to lauT aane kī raah na khoTī kī

kunj meñ dil ke chhoḌ gayā vīrānī thoḌī sī

yā-rab phir se bhej tilism-e-hosh-rubā koī

vaqt atā kar phir ham ko hairānī thoḌī sī

ham aaise be-māya kab the hāthoñ-hāth bikeñ

bāzāroñ tak le aa.ī arzānī thoḌī sī

na.ī ġhazal kā ruup nayā ho lekin aisā ho

ġhazloñ meñ ho ā.īna-sāmānī thoḌī sī

us ke chāl-chalan par mat jā yaar ‘mujībī’ tū

yuuñ bhī javānī hotī hai dīvānī thoḌī sī

Leave a Comment