Poet
kuchh roz chahaton ka ajab silsila raha
vo dhaḌkanon men pyaar ki surat basa raha
ik shaḳhs jis ko dil se bhulaya tha baar baar
ye dil ki phir bhi us ko sada sochta raha
jis ke junun men ham ne bita di tamam umr
ye kya ki umr bhar hi vo ham se ḳhafa raha
ye sach hai mujh se haath chhuḌa kar vo ja chuka
jaata use main duur talak dekhta raha
tum us ki be-ruḳhi pe pareshan ho kis liye
dil toḌna to us ka sada mashghala raha
chahat men apna zauq-e-safar bhi ajiib tha
us se hi shauq-e-husn-e-‘masarrat’ saja raha
Leave a Reply