hamari sada-dili thi tumhari baat nahin
hamin men koi kami thi tumhari baat nahin
hamare apne hi dukh the hamin ko rona tha
tumhari apni ḳhushi thi thi tumhari baat nahin
azaab saare jujun-o-ḳhirad ke mere the
tumhen to be-ḳhabari thi tumhari baat nahin
tumhari baat hi manenge aur nibha.enge
ye baat tum ne kahi thi tumhari baat nahin
bahut tavil thi muddat firaq lamhon ki
kahan pe aa ke ruki thi tumhari baat nahin
sitare jaise falak se utar ke aa.e the
hatheli jal ke bujhi thi tumhari baat nahin
vo zikr tha kisi barish ki raat ka shayad
nazar men aa ke ruki thi tumhari baat nahin
Leave a Reply