poet

Aashiq-E-Zar Hun Juz Ishq Mujhe Kaam Nahin

ashiq-e-zar huun juz ishq mujhe kaam nahin

talib-e-kufr nahin tabe-e-islam nahin

gham nahin kuchh bhi kharabi se hai ham maston ko

gardish-e-jam hai ye gardish-e-ayyam nahin

qatl-e-ashiq ke liye ek ada bas hai tiri

bismil-e-ishq ko kuchh hajat-e-samsam nahin

kya hua abr bhi hai mai bhi hai saghar bhi hai

hai ye sab hech agar saqi-e-gulfam nahin

dekh kar mujh ko tujhe kyuun hai tahayyur naseh

mashrab-e-ishq hai ye mazhab-e-islam nahin

khana-e-naz hai vo balki charagh-e-murda

dil ke aine men gar ru-e-dil-aram nahin

ishq-e-khadim se hua hai dil-e-‘asim’ maamur

is liye din-o-duniya se use kaam nahin

More Poems

Leave a Comment