Har Maslak Har Maktab Ishq Nahin Hota

har maslak har maktab ishq nahīñ hotā

sab logoñ kā maz.hab ishq nahīñ hotā

jism jahāñ ho vo sab ishq nahīñ hotā

ham se aisā be-Dhab ishq nahīñ hotā

un ko mere bhīge takiye dikhlā do

jo ye kahte haiñ ab ishq nahīñ hotā

hamdardī ko hamdardī samjhā jaa.e

har jazbe kā matlab ishq nahīñ hotā

sardī aur garmī ke uzr nahīñ chalte

mausam dekh ke sāhab ishq nahīñ hotā

Leave a Comment