poet

Hamari Ruh Jo Teri Gali Mein Aai Hai

hamari ruuh jo teri gali men aai hai

ajal ke sadqe men ye raah dekh paai hai

vahan pahunch nahin saktin tumhari zulfen bhi

hamare dast-e-talab ki jahan rasai hai

lahu mira tiri talvar se mila aisa

ki nagavar pas-e-zabah bhi judai hai

na puchhiye ki tu jalta hai kyuun raqibon se

vahi ye aag hai jo aap ne lagai hai

nisar-e-hazrat-e-agha-ali-‘hasan’-khan huun

ziyada had se miri aabru badhai hai

More Poems

Leave a Comment