Raunaq Raza
hamari jiit yahi thi ki ḳhud se haar aa.e
kisi ke ham pe ka.i qarz the utaar aa.e
tumhari yaad bhi hai baz-gasht ki avaz
jo ek baar pukaro to baar baar aa.e
har ek moḌ pe jaise vo muḌ ke dekhta ho
nazar kuchh aise manazir pas-e-ghar aa.e
na jaane kaun se lamhon ki laghzishon ke sabab
hamari raah men sadiyon ke kohsar aa.e
kamal kar diya ham ne ki aarzu ke baghair
kisi tarah se jiye zindagi guzar aa.e
Leave a Reply