Poet
hamare paas hai hikmat na raaz kya kiije
siva.e dard-e-dil-e-jan-gudaz kya kiije
inayaten hain agarche hazar-ha lekin
bane na baat to banda-navaz kya kiije
na zarb-o-tar se rishta na dil-fareb-e-dam
mire ḳhayal ko aalam hai saaz kya kiije
ze-ru-e-fiqh jo sab se ziyada hai ma.atub
hamari us se bhi hai saz-baz kya kiije
jo jante hain nahin jante na jaane hain
jo hai ayaan yahan vo bhi hai raaz kya kiije
jahan guzarish-e-ahval par hon ta.aziren
siva.e jur.at-e-arz-e-niyaz kya kiije
khula ik umr ki koshish se ye ki likkha hai
hamare naam nasheb-o-faraz kya kiije
bura ho lazzat-e-taḳh.il ka ki rahti hai
haqiqaton men talash-e-majaz kya kiije
hazar dard hai aur jan-e-na-tavan meri
ilaaj hai na gale ka javaz kya kiije
Leave a Reply