koi yaqin kare kyon kisi gavahi pe
mujhe yaqin nahin jab apni be-gunahi pe
uThe na zill-e-ilahi pe ungli ab koi
ye harf haar ka aa.e kisi sipahi pe
nishan raahi ke rahon pe ho na ho lekin
nishan rahon ke aksar milenge raahi pe
ada ye siikh hi leta agar pata hota
saron ke daam to lagne hain kaj-kulahi pe
rahunga jashn-zada main bahane kya kam hain
tu raqs dekhna mera miri tabahi pe
ye zaḳhm riste hain mere qalam zariya hai
guman ḳhuun ka hona hi hai siyahi pe
Leave a Reply