halak-e-kashmakash-e-ra.egan bahut se hain
ki zindagi hai to kar-e-ziyan bahut se hain
main is hava men bahut der raushni dunga
abhi diye sar-e-mehrab-e-jan bahut se hain
use bhi apne sanvarne ka kab ḳhayal aaya
jab ahl-e-ishq ko kar-e-jahan bahut se hain
is ek baat pe hairan hai vaqt ka munsif
ki is men kaun sa sach hai bayan bahut se hain
ajab ye ḳhitta-e-zinda-dilan hua abad
ki ghar kahin bhi nahin aur makan bahut se hain
Leave a Reply