Jab Kisi Ne Aan Kar Dil Se Mere purKHash Ki

jab kisī ne aan kar dil se mire purḳhāsh kī

baat tab āshiq-garī kī maiñ jahāñ meñ faash kī

kyā kahūñ jis ne kiyā is husn ko ārāsta

chuum liije uñgliyāñ yaaro usī naqqāsh kī

ai musavvir jo huā manqūsh tere haath se

vo kahāñ tasvīr ban saktī kisī se qaash kī

kal tire kūche meñ maiñ jā kar ke sar apnā paTak

ro paḌā tujh ko nahīñ paayā bahut tālāsh kī

yaaro saaqī aur sharāb-o-sabza maujūd aaj hai

‘āfrīdī’ hai kabāb-e-dil pe jā shābāsh kī

Leave a Comment