Poet
jo kaha us ne vo kiye hi bani
sufiyon ko bhi mai piye hi bani
aisi baten bana.iyan us ne
kuchh na ban aa.i dil diye hi bani
ab bhi aa jaa.e is tamanna men par
na muue hijr men jiye hi bani
kafir-e-ishq ho ga.i aḳhir
un buton ka kaha kiye hi bani
tha jo rusva.iyon ka Dar un ko
jeb ke chaak ko liye hi bani
raat saaqi baghair thaam ke dil
zahr ka ghunT pi liye hi bani
machle ‘tanvir’ jab ye tifl-e-sarishk
god men un ko le liye hi bani
Leave a Reply