Meena Naqvi
hain ajnabi raston ke manzar shanasa koi Dagar nahin hai
qadam qadam par sa.ubaten hain safar to hai ham-safar nahin hai
chaman ke shaida.iyon se ik din saval ye puchhna hai mujh ko
khila jo pur-ḳhar jangalon men vo phuul kyuun mo’atabar nahin hai
main band ankhon ke a.inon men tumhari aamad ki muntazir huun
chale bhi aao miri mohabbat ka rasta pur-ḳhatar nahin hai
tumhari ḳhushbu chura rahi huun misal-e-bad-e-sahar main lekin
nigah suraj ki chubh rahi hai tumhen ye shayad ḳhabar nahin hai
ye ghazlen nazmen ye dil ke jazbe ye mahke mahke ḳhayal saare
saja rahi huun main lafz apne kisi ki mujh par nazar nahin hai
Leave a Reply