Mahesh Chandra Naqsh
aaj to us ne yuun dekha hai
jaise mujh ko bhuul gaya hai
kaliyan khul kar phuul bani hain
kis ka anchal lahraya hai
un ko ab mere gham ka
shayad kuchh ehsas hua hai
samne un ke khoya khoya
soch raha huun kya kahna hai
ruḳh pe baharen jhuum rahi hain
aankh men nashsha Dol raha hai
armanon ke ḳhuun se main ne
maang men teri rang bhara hai
‘naqsh’ ghazal ye kis ne chheḌi
zarra zarra jhuum raha hai
Leave a Reply