Hai Ye Gul Ki Aur Uski Aab Mein Farq

hai ye gul ki aur us ki aab men farq

jaise paani men aur gulab men farq

lab-e-khuban kahan vo laal kahan

hai bahut sharbat aur sharab men farq

laakh gaali kahi hai kam mat de

main ginunga na ho hisab men farq

zahida zohd tu padha, main ishq

hai miri aur tiri kitab men farq

ai sharabi gazak to karta hai

kuchh to kar dil men aur kabab men farq

aankh jab se khuli na dekha kuchh

zindagani men aur hubab men farq

kuchh nahin karte tum jo shoale men

aur is ru-e-pur-itab men farq

hai zamin asman ka yaaro

zarre men aur aftab men farq

kyunki ‘jurat’ ho shaikh tujh sa ki hai

piiri aur alam-e-shabab men farq

Leave a Comment