Hai Shikayat Dil Ko Aisa Kyon Nahin

hai shikāyat dil ko aisā kyoñ nahīñ

jab tū merā hai to lagtā kyoñ nahīñ

jab nazar se mil nahīñ paatī nazar

ḳhvāb se bāhar nikaltā kyoñ nahīñ

lag rahī hai kyoñ thamī duniyā mujhe

tū bhī mausam sā badaltā kyoñ nahīñ

hai zabāñ chup aur dhaḌkan tez hai

tū ishāroñ ko samajhtā kyoñ nahīñ

jism ThanDā paḌ gayā ‘santosh’ kā

aag apnī us ko detā kyoñ nahīñ

Leave a Comment