Hai Kaun Shai Jis Ki Zid Nahin Hai Jahan Khushi Hai Malal Bhi Hai

hai kaun shai jis ki zid nahin hai jahan khushi hai malal bhi hai

gham-e-judai na kha tu ai dil firaq hai to visal bhi hai

jo tiika sandal ka hai jabin par to paas abru ki khaal bhi hai

siphar-e-khubi ye maah bhi hai sabil bhi hai hilal bhi hai

misal durr-e-najaf se kya duun ezar-sada ko us pari ke

nahin hai baal us men naam ko bhi ye aib hai is men baal bhi hai

khuda hi jaane ki kis ravish se kiya tha murgh-e-chaman ne naala

padi hai ghunche ki chiin jabin par to rang chehre ka laal bhi hai

Leave a Comment