hai justuju agar is ko idhar bhi aa.ega
nikal paḌa hai to phir mere ghar bhi aa.ega
tamam umr kaTegi yunhi sarabon men
vo samne bhi na hoga nazar bhi aa.ega
jo gham hua hai na.e shahar ke makanon men
vo dekhne ko kabhi ye khanDar bhi aa.ega
rachi hai mere badan men tamam din ki thakan
abhi to raat ka lamba safar bhi aa.ega
zara si der men har shai chamak uThegi ‘nasim’
sahar hui hai to nur-e-sahar bhi aa.ega
Leave a Reply