hai dil men khayal-e-gul-e-rukhsar kisi ka
daghon siin mohabbat ke hai gulzar kisi ka
jaata hai mira jaan nipat pyaas lagi hai
mangta huun zara sharbat-e-didar kisi ka
sab par hai karam mujh pe sitam kya hai do-rangi
dildar kisi ka hai dil-azar kisi ka
zanjir bhali qaid bhali maut bhi jyun-tyun
pan haq na kare kis kuun giraftar kisi ka
main huun to divana pa kisi zulf ka naiin huun
vallah ki rakhta nahin yak taar kisi ka
yak dam to ham-aghosh karo ai gul-e-khubi
ho jaunga ab naiin to gale haar kisi ka
jhukta hai zara baad ke chalne men zamin par
nargis hai magar baagh hai bimar kisi ka
laati hai khabar yaar ki mauj-e-dam-e-shamshir
kaari hai magar dil men mire vaar kisi ka
har raat ‘siraj’ atish-e-gham men na jale kyuun
parvana-e-jan-soz hai balhar kisi ka
Leave a Reply