najma-shaheen-khosa

Mohabbaton Ka Sila Nahin Hai

mohabbaton ka sila nahin hai

labon pe harf-e-dua nahin hai

nahin vo tasvir paas mere

so haath mera jala nahin hai

main apni lau men hi jal rahi huun

jo bujh gaya vo diya nahin hai

bas ik piyali hai mez par aur

vo muntazir ab mira nahin hai

likha janam-din pe us ko main ne

vo khat bhi us ko mila nahin hai

main kis liye paar jaun ‘shahin’

vahan mira na-khuda nahin hai

More Poems

Leave a Comment