Sunil Kumar Jashn
haa.e vo yaad kahan hai ki ḳhuda ḳhair kare
dil men phir amn-o-aman hai ki ḳhuda ḳhair kare
ik ḳhuda hai jo mahz guftugu men hai maujud
aur usi se ye guman hai ki ḳhuda ḳhair kare
mujh men ik dasht sa qaa.em hai magar charon taraf
shahr ka shahr ravan hai ki ḳhuda ḳhair kare
jo zamane se chhupani thi mujhe har vo baat
sher-dar-sher bayan hai ki ḳhuda ḳhair kare
Leave a Reply