Hae Wo Yaad Kahan Hai Ki KHuda KHair Kare

haa.e vo yaad kahāñ hai ki ḳhudā ḳhair kare

dil meñ phir amn-o-amāñ hai ki ḳhudā ḳhair kare

ik ḳhudā hai jo mahz guftugū meñ hai maujūd

aur usī se ye gumāñ hai ki ḳhudā ḳhair kare

mujh meñ ik dasht sā qaa.em hai magar chāroñ taraf

shahr kā shahr ravāñ hai ki ḳhudā ḳhair kare

jo zamāne se chhupānī thī mujhe har vo baat

sher-dar-sher bayāñ hai ki ḳhudā ḳhair kare

Leave a Comment