Rasheed Lakhnavi
haa.e sharm-e-dilbari us dilruba ke haath hai
is vafa ki aabru us bevafa ke haath hai
janta hai kaam bande ka ḳhuda ke haath hai
dil mira khulna tire band-e-qaba ke haath hai
ah-e-girya saath hon ghurbat men jab aata hai dhyan
bekasi kahti hai ye ab-o-hava ke haath hai
kab tak aaoge adam men puchhte hain rah-rau
kis se kahiye us taraf aana qaza ke haath hai
haath uThata huun ḳhuda ke samne main ai ‘rashid’
DhunDhna bab-e-ijabat ko dua ke haath hai
Leave a Reply