hadson se be-khabar the log dharti par tamam
asman ki nilgun ankhon men the manzar tamam
rafta rafta rasm-e-sang-bari jahan se uth gai
dhire dhire ho gae basti ke sab patthar tamam
tishna-lab dharti pe jab bahta hai pyason ka lahu
muddaton maqtal men sar kham rahte hain khanjar tamam
zindagi bikhri hui hai is tarah fōtpath par
bastiyan abad hain aur log hain be-ghar tamam
shahrahen dafatan shoale ugalne lag gaiin
ghar ki janib chal pada hai shahr ghabra kar tamam
sub.h ke saare ujale raston men kho gae
shab ke andhiyaron men gum hain shaam ke manzar tamam
ab kahan vo log vo raunaq vo naghme vo faza
shahr ki galiyan hain suuni suune bam-o-dar tamam
Leave a Reply