wajid-ali-shah-akhtar

Haal-E-Dil Ai Buto Khuda Jaane

hal-e-dil ai buto khuda jaane

sach hai sach is ko ghair kya jaane

lutf-e-ashar puchh shair se

bevafai vo bevafa jaane

phuut kar mahfilon men rote ho

dil ka ahval koi kya jaane

sakht koi ghazal main paata huun

nazuki mera dil-ruba jaane

laakh men faisla chukate ho

muddai kyuun na muddaa jaane

maraz-e-ishq men asar hoga

mera har sher vo dava jaane

aaj behosh ho gaya ‘akhtar’

kya hua kya hua khuda jaane

More Poems

Leave a Comment