Poet
guzregi kya jamal-e-ruḳh-e-yar dekh kar
hairat hai husn hasrat-e-didar dekh kar
na-sazi-e-jahan ki to parva kabhi na thi
ji bujh gaya hai tum ko dil-azar dekh kar
is dil-figar-e-shauq ki hasrat na pochhiye
majruh ho gaya ho jo talvar dekh kar
ankhen hui thiin chaar ki pahlu men kuchh na tha
dil kho gaya nigah-e-ḳharidar dekh kar
koi khula hua hai to koi chhupa hua
vaa.iz na chheḌ mujh ko gunahgar dekh kar
betab kar diya nigah-e-iltifat ne
aansu nikal paḌe unhen gham-ḳhvar dekh kar
‘kaukab’ dayar-e-ishq kuchh aisa udaas hai
roti hai bekasi dar-o-divar dekh kar
Leave a Reply