Imran Aami
aḳhir ik din sab ko marna hota hai
ya.ani misra.a puura karna hota hai
main dariya ki gahra.i tak jaata huun
main ne kaun sa paar utarna hota hai
apne aansu aap hi rona hote hain
apna ghaav aap hi bharna hota hai
is sahra ko panchhi pujne aate hain
jis sahra ke dil men jharna hota hai
ham to zamin par rengne vaale kiiḌe hain
ham ne kab hijrat se Darna hota hai
uḌne vaale kaise bhuul ga.e ‘ami’
paanv aḳhir ḳhaak pe dharna hota hai
Leave a Reply